27 Apr 2022

Hnutiang hawi ve che maw

Phuahtu: Saisangi Ralte
Thluk siamtu: Lalnunmawia (Valtea)
Satu: Lalnunmawia (Valtea)


Lalpa, I tlansaten khawvel ram zauvah hian,
Thihna vang hian lungduh kan then leh thin;
Ka Lal nunnem fam ngaih khua a sei tur hi,
Min dawn pui ve ang che.

I sakhming dai tur hian Sangte, kan phal lo che,
Kumtluang runlum turin chun leh zuain;
Kan ruat che kha, Vanlai run i lawi hi,
Kan la tiam lo a ni.

I unau lenrualten tapin an au che'a,
Awmlai lunglian thuam ang ka do zo lo;
Lenrual ngai hian rihsang za lam rawnah,
Hnutiang hawi ve che maw?


Zantiang laikhum zal hian zan mu kan chhing lo ve,
I tel lo hian tlaini kan leng leh thin;
Ka tuai thlafam ngai hian vanrang chhumah,
Zam ka nuam ve mang e.

I chun leh zuain e duhten kan chawilian che'a,
Chhung kim tea kan hlimlai ni zawng leh;
Ka tuai duhlai parmawi vul lai hmeltha,
Hmuh ka nuam leh mang e.

Hmangaihtu Lal duhawm, I hnenah awm mahse,
Lei hringnun hian a tuar thiam mawlh lo e;
Lo eng ang che kan kawng thim en zel la,
Fam ngai min hnem ang che.

Thawhlehna ni ropui chatuan khua var tawh la,
Ka Lalpa siam Edenthar nuamah chuan;
Then tawh lo vin hmangaih, lungduh zawngte nen,
Tual kan leng za tawh ang.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: