16 Apr 2022

Phurh zawh loh zun

Phuahtu: Zirsangzela Hnamte
Satu: C Lalrinmawia, F Zothanpuii, R Lalhmangaiha, T-Melody, Vanlalauva


Khuarei nghah mai hi maw ka theih tawk ni ta,
A va lo mak em i zun ngaih hi;
Nghilh a har mang e, Di, kan nun kha zawng,
A thar zel ang ka tan damchhungin.

I sakhmel tawn changin thinlai a thar thin,
Engtin nge ka tuar ang lunglen hi?
Mual liamin tleidang tang i bel ta si,
Engah nge Khuanu leng reng reng pawh hian,
Mi(n) lo hlan mai le phurh zawh loh zun.

Chan tawka lungawi dan tal hi thiam ila,
Engtia na pawh nise lunglen chu;
Damtein ka lo tuar nem ve tawh mai tur,
I lungdumtu tling lo mah ila.

Nghilh loh di ngaih ber e, lo kir leh mai rawh,
Par mawi tin piallei run mawitute;
Uai lo kumtluang par leh siar zawng ai pawn,
I mawi ber si e, kei ka tan chuan.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment:

  1. Ka ngai em em che dingpui tih a ni a tlar bul tin remkhawmin

    ReplyDelete