Awi a leng vawng vawng

Phuahtu: K Rammawia

Aw, a leng vawng vawng e di ngaiin,
Min hnem la nang lo chuan;
Luaithlipui nul ka bang thei dawn lo.

Tinkim i dawn changin lungrukah,
Min nghilh bik suh la aw, Lungrunpui,
Min han dawn ve thin la.

Ka riang chuang e, Leitlang khua lianah,
Lung min rualpui ve si lo kei zawng;
Dawn chang ni zawng a tam.

Eng dang ka dawn thei lo nang lo chu,
Thinlaia lung ka dum tleitiri,
I mawi chuang e ka tan.

Suihlung phang, dawn chang ni bang dawn lo,
Mahse, min hualhim se Chungkhuanu'n,
Run hmuna leng turin.