Belh nin loh di

Phuahtu: Laldinpuia Sailo
Satu: Marina Sailothangi, H Lalthakima, Sangkimi Khiangte

Ka thinlai luahtu leh ka lei pangpar mawi ber,
Nang nen inthenna ni a lo hnai ta;
Ka hawi ngam dawn em ni i liam ni kawlenga'n,
Ka hawi ngam lo kei zawng zamual i liam tur chu.

A na dawn ngei lungdi sam ang then chu,
Tuar a har dawn ngei ngei e;
I tel lo chuan hringnun a kim thei lo,
Enchimloh, belh nin loh di.

I kiangah chuan lungrun ka lei lawm a kim thin,
Chuti'n tudang lengdang ka ngai chuang lo;
Ka hlim leh lawmna ber nang chauh i ni, lungrun,
Ka thlang ber che a sin, zaleng zawng zingah hian.

A pawi em mai lungrun, lenna tlang a dang hi,
Ngai chung zelin hian inthen a tul si thin;
Lunglam ka vai leh thin, aw, i tel lo chuan,
Ka ngai ber che asin zaleng zawng zingah hian.