24 Jul 2022

Bengkhuaia lehkhathawn

Satu: Tribal Power

Mikawlh, sakawlh hmaah pawh ka zam ngai lo,
Laifei maw, laifei maw, chemsen maw, chemsen maw,
Ka zam ngai chuang hlei lo'ng e,
Sappui maw, Sappui maw, ka dawn bik chuang hlei lo'ng e,
Kawrvai maw, Kawrvai zawng, Kawrvai ka dawn chuang hlei lo'nge,
Mahse maw, mahse maw, ka lo tudai ve zel mai si,
Ka ram maw, ram chin chu, ka ram chin an pel ngai lo.

Thlang Kawrvaia'n pur pawh ka chaw ngai lo,
Thlawhhma maw, thlawhhma maw, buhbal maw, buhbal maw;
Ka ram chin a tam ve ngai lo,
Dikna maw, dikna maw, Lal leh Khawnbawl kan awm si,
Riahrun maw, riahrun zawng lungkham a ngai ve mawlh lo,
Luidung maw, siktui maw, lengngha te'n tual an lenna,
Hmatiang maw, hmatiang zawng, hmatiang zawng ka sawn ve zel si.

Thangthar bengtla lo ho, i ram zahpui suh la,
Sappui tangah bei suh, Kawrvai tangah bei suh;
Khuavelah i par chhuah la,
Lanu beisei tlakin nung rawh, Chhuihthangval,
Chuti'n Sappui a ngai lo vang,
Chuti'n Kawrvai a ngai lo vang,
Sawitur a tam, ka sawi seng lo...



SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: