Enchim loh pari

Phuahtu: Lianthangpuia
Phuahtu: Lianthangpuia, H Vanlalhlana, H Lalrempuia, G Sangliana

Vawiin chuawn maw ka suihlunglen a thar ngei e,
Awmhar nichhun ka tawnmang mawla'n e;
Ka lo tawn chu hmana ka di te kha,
Thinlai damte'n hlimte'n nau ang kan nui dun a.

Kumpuisul tam a vei ta e, sam ang kan inthenna,
I zun ngaia suihlunglen pawh a nem ta e;
Enga'n nge maw tawnmang ka lo man chu,
Thinlaiah i thar ngei, enchimloh Pari.

Thaleng dangte'n hmangaih vangin run hmun an leng,
Mahse, vanduai ka tan erawh chuan e;
Nunhlui ngaia tahna titamtu mai,
Chantawk khuarelah lung reng hi a awi thei lo.

Duhlaia hmana zamual min liamsan ni khan,
Ka han dawna, thinlai a zing ruai e;
I tel lo va kumsul tam hman ni,
Ka zuam lul lo asin, tinkim ka han dawnin.

Mahse, tunah chuan hrai duh leng i chawi ta a,
A mawi lo ve suihlunglen biahthu sawi;
I pawmlai nen chuan e, hlimtea leng turin,
Van malsawmna ka duhsak che Khuanu zara'n.