4 Jul 2022

Hmangaih lenrual dar ang

Phuahtu: Damhauhva
Satu: Siampuii Sailo, Thangbuaia, Zoherliani, H Vanlalhlana, Lawmzuali Ngente, K.C Runremsangi, Zualbawihi Fanai, Zaithanmawii, Valpuia Fanai

Hmangaih lenrual dar ang kan leng za hi,
Then nan kawl eng leh reng hian a mawi lo ve;
Khawtlang sirva par tlan kan iang tawh hnu,
Lungrual tlaitla zankhua i var za in.

Aw, nunhlui i chang tur chu,
Senlai nau ang tah ni a tam ngei ang;
Ka nghilh lo'ng che khuarei chan thleng pawhin,
Chham ang dairial piallei ka chan hma chuan.

Thinlai a vai riakmaw valeng iang,
Saisen nau ang min dawm thiamtu an awm lo;
Par ang vul zai rel thei awm tak ang maw?
Khuarei lunglen zunzam a tho leh thin.

Aw, ka vul lai hringnun hi pialleiah,
A la zal ang maw dairiala chang turin;
Par ang vul lai tuai dawnah a chul tur hi,
Dawn chang reng hian thinlai a dam thei lo.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: