Phuahtu: Zira Hnamte
Fan changin kan sul i hnu zawngte kha,
Eng dang ngai lo te a kan tuanna mual zawngte;
Luaithlinulin ka dawn thin a,
I rem lo maw ngaihlai, Tuaite.
Hramthiamvaleng aw mawi zawngte,
Min hnem awm lo ka suihlunglen;
A na chuang e kei ka tuar hi,
Ngaihlai Tuaite i rem lo maw?
A rem si lo khua hmuna len dun hi,
I dawn ve em kei ka suihlungleng tur reng hi;
Hmana lungrual tea leng si,
Enga'n nge kar mi lo dan le.
Ka thlir ngam lo chhawrthlapui eng sen ruai,
A lo her chhuak leh ta chhaktiang kawlrawn mawiin;
Ti ema lung ti leng thlapui,
I rem lo maw, ral leh mai rawh.
17 Jul 2022
SHARE
Author: Four Brothers' Mizo lyrics verified_user
The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com
0 comments: