10 Jul 2022

Ka ngai ber che (Awmkhawhar lenkawl)

Phuahtu: Vankhama
Satu: Vanlalruati, Vansangkimi


Awmkhawhar lenkawl ka han thlir a,
Tlang a lang romei a zam karah;
Tah te khian laitual a leng ang maw,
Hmana suihlungrualpui hi dawn ve maw?

Ka di, Biahnem, aw, Lenghermawi,
Nang ang renga suihlung min len ka tawng lo;
Kar mah hla se, ka ngai zual che,
Ka ngai che, aw, ka ngai che.


Kumsul mah hleite'n a dang leh thin,
Tuangtuahpar zamuala liam tawh hnu hian;
Min dawn ve a ring lo che,
Khiangawia len khua hmun run kai hnekin.

Aw, ka ngai kher mang e, Valrianga'n,
Lung kan rual ni kawla liam tawh hnu;
Turnipui, chhuak leh la di tawn nan,
Tawnmang lungmawl maia a chang tawh hnu.

Sul ang min tum lo, ka hai lo che,
Mahse aw, ngaihzual, i zunzamin;
'Zaman Hmawngthing' ang mi phuar vel e,
Fam hma loh chuan lunglen a bang dawn lo.

Engtikah kan ngaih a bang ang maw?
Awi, a zual, zantiang chhun, ni tinin;
Lem ang der thiam, min tiriang mang e,
Mahriak suihlunglen tuara min siam le.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: