13 Jul 2022

Khiangawi nuthai

Phuahtu: Zira Hnamte
Satu: Zira Hnamte, Lalfakawmi Khiangte


Zaleng hei zawngte hian hre ve tak ang maw e,
Awihlai mi u ka lo lawm ve thin kha;
Mualzapui danah khiangawi nuthai a chang ta,
Inthen nan khua rei a sei dawn mang e.

Dar ang lenna vangkhua a ngui ruai e,
A thar leh thin dawnlungrukah;
Mahse, dan rual loh khiangawiin,
Tlei dang tawnah min liamsan ta.


Auh ruai hi ka nuam mang e mual liam mahse,
Ka thlir zel dawn e, saw hmar tlangpui saw;
"I tan chauh rinawmin," tia biahthu hlan lai,
Nunhlui ngaihawm a lo chang zo ta e.

Mangtha le, dam takin ka ti ang che, Mate,
A ruat ngei ang Khuanu'n ka chan tawk leng;
Ngaihngam tein awm ang che aw, Khuanu zarah,
Then rual loh chun leh zua chang ngei turin.

Hmanlai an chang zo ta kan hlim lai ni zawngte,
Au mah ila a thlawn mai a ni ta;
Luaithlir nul reng ka bang thei lo, Thapui, nang vang,
Engah nge maw ka lo tawn kher che ni.

Ami tawnah khiangawi nuthai chu chang mah la,
Riahrun zauva nang nen tlaikhua var lai;
I nghilh bik hian ka ring thei lo tawnmangah pawh,
Zunleng ngaia tah ruai a awl mang e.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: