12 Jul 2022

Kir an rel lo

Phuahtu: RTC Lalduhawmi
Satu: RTC Lalduhawmi


Nang nen hlimte'n kan lenlai khan,
Then nan chungtur a ni hi e;
Chhuak hian kei zawng ka ring ngai lo,
Tunah erawh piallei thuahriatin,
Kan kar min lo dan ta si maw,
He leia'n zawng intawn leh ni a awm tawh lo'ng.

Hlimte'n kan lenlai ni zawng kha,
Hmlai an chang zo ta;
Zamualpui an liam a,
Aw, kir an rel lo.


Kan tuanna tlang leh mual zawngte,
Mahriak tea chhui kir lehin;
A ni, zankhua rei dawn lo va,
Nau ang kan nuih ve lai zante kha;
Tawnmang mawl mai an chang zo ta,
I kutchhuak, i sulhnute mai maw ka chan tawk.

Di enchim loh, chhingkhual kar hlaa,
I fam thuin min thawn chuan e;
Engtin tuar hian mi rin le?
Run nuam a fam mah tuar har kan ti,
Min hnem zo lo lenrual zawng paw'n,
Nang zawng e, nghilh ni ka nei lo'ng che, kumtluangin.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: