15 Jul 2022

Leng zawng zingah

Phuahtu: Lalsangzuali Sailo
Satu: Sangkimi Khiangte


Leng zawng zingah ka thlang ber che,
Suihlung herin mi ring lo la;
Zaleng dang chhai a rem lo ve,
A zual zel e, nang ngaih lai.

I dawn ve em kan hlim lai?
Thlangkhuandimin mi ring lo la;
A ruat ngei ang Khuanu lengin,
Nang nena lendun ve nan.


Ka hmangaih che,
I tiamthu a cham reng ka thinlaiah;
Tiamthu suta'n ka phal lo che,
I vawng ang aw, khuarei pawhin.

Lenna tlang dang rih mahse,
Sulhnu chhuiin kawrvaiah;
Zan mu chhin a har ngei e,
I rauthla tal tawn ka nuam.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: