Nang zuna uai

Phuahtu: B. Lalsiama (Zodi)
Satu: Thangluaia (Zodi)

Ka lenrual lungdute kawp te'n,
An leng di nen Han khawzawla'n,
Min dawnpui ve ula, a riang ka chan tur hi,
A na em mai.

Ka han dawn a, aw lungrunpui, i zuna uai,
Min hnem ve la, aw lungrunpui, a na lua e,
Min chhang ve la a riang val lunglawma'n,
Biahthu kha zawng ka hrilh i lung kim na'n,
Riakmaw va iang ka lo vai e, zantlai nem a'n,
Ka hawi vela ka tawng si lo, ka riang thlawn e.

Senhri leh Chawnpui par an vul thal timawia'n,
Lunglen a zual, thangvansang han thlirin,
A zing e, vanrang chhum ka thinlai iang.

Ka han dawn a, aw lungrunpui, i zuna uai,
Min hnem ve la, aw lungrunpui, a na lua e,
Zantlai nemah tuallen ka zuam lul lo,
Zan lalnu pawh a lo par vul leh ta,
Kei ka tawnah thaleng tleitir lo par ve la,
Ka lo nghak ang che aw, tleitir, thal tui angin.

Ka han dawn a, aw lungrunpui, i zuna uai,
Min hnem ve la, aw lungrunpui, a na lua e,
Zantlai nemah tuallen ka zuam lul lo,
Zan lalnu pawh a lo par vul leh ta,
Kei ka tawnah thaleng tleitir lo par ve la,
Ka lo nghak ang che aw, tleitir, thal tui angin,
Ka lo nghak ang che aw, tleitir, thal tui angin,