Ngaihlungrun

Phuahtu: F Rokima

Hmanah chuanin maw Ngaihlungrun,
Ka tan i lo inpumpek thin a;
Hmelma anka mai maw i lung her chhan lo ni,
A pawi em mai Valdawngthlawna.

Aw, hmangaihna ka sawi thiam lo,
I ngaih hian zual chang a nei a;
Ka duh ber mai leh lawmna ka chan ai chuan,
Thlafamdai rial ka chang zawk ang.

Hlun tur an awm lo, Ngaihlungrun,
Engah nge sam ang then mi tum le?
Ariangval der siin tlei dang leng i zuan a,
I tum leng, tu hi nge lo ni?

I tel lo chuan maw, Ngaihlungrun,
Hlim ni awm si lo, val kan tawnah;
Ti mai chuan sam ang kan inthen ka ring ngai lo,
Ka tuara'n vanpui a lo chim.

Sirah min hnawl mah la, Lungrun,
Ka ngen che khawngaih mittui tlain;
Engmah dang ka nei lo hmachhuan tur i tawnah,
Aw, ka hmangaihna mai lo chu.