10 Jul 2022

Nghilh ni awm hianin ka ring lo

Phuahtu: F. Malsawma
Thluksiamtu: C. Dinthanga


Sirva lungrual iangin Lanu, Valrual,
Tlangtin mualtin her liam zelin;
Nau ang nuiin siahthing par vul karah,
Zai tin vawrin kan her dial dial.

Tawn leh ni awm ang maw, perkhuang rimawi nen,
Zai tin vawra hlimtea tukram kan tuanna;
Nghilhni awm hianin ka ring lo.


Khuangruahpui sur nghian karah hianin maw,
Lamtluang chhuk chhote hrut zelin;
Suihlung hnur riai pawh zochhum iangin maw,
A kiang thei, hlim tea zai vawrin.

Vangkhawpui val, lanurual zawngte nen,
Lungrualtein sir kan sawn dim e;
An sawi pialral iangin lenlai kan chen,
Zai tin vawra zankhua tlaitluanin.

Ka awmkhawhar changin ka fang ruai e,
Hlim ni zawngte'n zamual an liam ta;
Dawnlungrukah nau ang tah zai relin,
Nunhlui ngaiin ka kiu vawng vawng.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: