3 Jul 2022

Nunhlui mual liamhnu

Phuahtu: Ngurthangvela
Satu: Thawhlehnaniropuia (Puipuia)

Kum sang sawm a liam ta,
Nunhlui liam hnu ngaiin,
Auh din zawh rual loh,
Panlai nun a her liam,
Vanglai par ang chuaiin,
A liam pui zel hringnun vanglai.

Kan vanglai sakhmel mawi,
Vuaiin hai ang tarin;
Hunin a liam pui,
Lenrual lungduh ngai leh,
Nunhlui liam hnu ngaiin,
Tawn leh ni reng a awm tawh lo.

Kohkir leh theih awm lo nunhlui liam hnu,
Nghilh ni reng ka nei lo'ng kum sang ral mahse,
Koh kir leh theih chang se nunhlui liam hnu,
Tawn leh nuam kan vanglai, thatlaini te.

Hun leh ni an her liam,
Fur leh thal lo her chhuak,
Sini eng mawi nen,
Kan chhuah tlang hmun leh tlang,
Thing tin par an vul mawi,
Hunbi her chhuah zeltu a ni.

Chhungkim dar ang lenlai,
Min ngaih tir hlimlaini,
Hawi velin lung a leng;
Lal pian hun a her chhuak,
Samtlang par an vul mawi,
Khuanu ruatin mual an liam e.

Chhawrthlapui eng ruai khian,
Kan vangkhua chhun engmawi,
Min ngaihtir kan hlimlai;
Lenrual lungduhte nen,
Perhkhuang zaitin remin
Chhawrthla eng hnuaiah zai vawrin.

Lentupui cham dur leh
Chhun ni sensa hnuaiah,
Ramtuan relin;
Luipui dung fang zelin,
Leng ngha kan manlai te,
Lungtileng hmanlai an chang ta.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: