24 Jul 2022

Parthing ang vul leh rawh

Phuahtu: PS Chawngthu
Satu: Lalenkawli Pautu


Kumsul vei leh khuarei a lo chang hnute hi,
Lam ang her kir leh changnite hian;
Biahthudi zochhum ang a thamral tawh hnu,
Puan ang lo thar leh lungruka'n.

Han dawn kir changni hian hmana kan nun,
A hlui lo biahzai nem leh la;
Hal lote'n senlai nau ang nuih zai relin,
Ka tan parthing ang vul leh rawh.


Zan tlai nemah mahte'n ka dawn chang nitein,
Bangin ka inring lo nang ngaih hi;
Thinlaiah ser ang a cham reng tuar a har,
Lung ka vai zan mu ka chhing lo.

Suihlung her lo leh ankanem tui ang dam diai,
Lam lai par ang hlan la ka tawna'n;
Kei ka thinlai fur khua anga hnim reng hi,
Zochhum ang zing a kiang ang e.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: