Phuahtu: K Chhawnthuama
Ka nu, ka tan zawng khawvelah hian,
Hlimna ni reng a chhuak tawh lo'ng;
Duhte'na pawmlai di then reng chu,
Dawnin, thinlai a dam lo.
Aw, ka fang mahte'n kan sul ihnu zawng te,
Rauthlain a nghak lo ka run,
Saisenteta, lung ka dum ber khan,
Pialleiah thim run a nghak.
Hlimlai nite zawng an liam zo ta,
Lungngaih chhum ang zing riai e;
Duhte'na pawm lai di khawiah nge?
"Fam khawpui tualah," an ti.
Par ang pawhin ka lawm hman lo che,
Kar ang tawi run hmuna len;
Kumtluang run hmun tura lo tuah sa,
Fam min chansan ta e kei zawng.
29 Jul 2022
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: