Romei

Phuahtu: Zira Hnamte
Satu: Zira Hnamte

Hawi vel chang nite hian tlang tin leh mual tin,
Mawite'n a zam chiai e thal romei;
A leng thar leh thin kei ka suihlung mu hnu,
Nghilhni awm lo lenrual hlui zawng te.

A rem em, aw, romei zam chiai,
I kianga chhemdam thli leng vel hian;
Hmate'n rawn chhem kiang ang che maw,
Lungdamtea khawtlang thlir ve nan.

Eng dang ka dawn thei lo, lunglen i kham bil lo,
Riahrun zalna chham iang thal romei;
Damte'n lui chhuk leh phai leh lentu zo sangah pawh,
I zam cham del e khua thal veiin.

I lungtum reng em ni runsang rem loh hi?
Van a duai em khawngaih mittui a tla;
Aw, ka lenrual te khan dawn chang ni awm ve se,
Riahrun an rem sak hial mai awm e.