Sapram return val

Phuahtu: Thangkura Drama Party
Satu: Thangkura Drama Party

Nau ang na tuar laikhum ka zal reng,
Daktawr damdawi ziak lehkha eiin;
Ka bialnu Zohawp lehkha chhiarin,
Nui uar uarin ka in vawr suau ve.

Sapram return val ka lo thleng ta e,
Robert Ch. Thangkhur sakhming tiin,
Kan ram leh hnam thatna tur zirin,
Thang vansang siruk ka lawi ve ta.

Thingtlang pa mawl ram suasamtu chu,
An mawl luat an rawn puang a ni e;
A sapram kal lo thlak ngei tiin,
Ka bo daih der kei sapram return hian.

Ka nupui zawn ka ngaisang lo,
Ka kutkem kawr thar parmawi ber nen;
Ka bialnu bum chhuah ngei ngei tumin,
Ka hruai chhuak e, kei pathlawi val hian.

Ka kutkem hrechhuakin min zawng hmu,
Ka mualpho leh si Hawptei hmaah;
Ka lunglengin kawmthlang ka thlira,
Lehlam hawiin ka nui vur vur mai.

Sapram nun ngaisang copy vein,
Ka rawn ngo haw e, sap nial nualin;
Sapram rohlu Hawptei ta tur,
Rubber kual leh marble ka rawlh ruk.

Thil han pum phe hlek awm lo tei,
Zoram siamthat leh hmasawnna nen,
Hma ka sawn e hnunglam zawngin,
Ka pu ka chhuna, ka rui reng mai.