Phuahtu: Lalzova
Hmanah chuan lungrun chhawrthla eng hnuaiah,
Karah then loh thu di nemte'n kan tiam a;
Ka nghilh lo'ng khuarei kum sang ral mahse,
Tuar i har phu loh si, aw hmeltha.
I tum leng tawnah khiangawi zawk ang che,
A riang hi lung hersan tawh la;
Awmhar lunglen mai hi ka tuar thlawn e,
Tuar i har phu loh si, aw hmeltha.
Relthang chhum ang zing kiang lo kan tawnah,
Thapui, i zunleng ngaih reng hi maw, bawihte;
Kumtluang hrui ang pawhin sei mah sela,
Ka tah nan reng a sei thlawn e.
Nang ang lung min len ka la tawng ngai lo,
Thinlaiah ai ang i cham reng, tuar i har;
Lem ang min der mah la tlei dang tawnah,
Nghilh ni reng ka lo'ng che, lungrun.
24 Jul 2022
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: