Phuahtu: Thanghmawnga
Satu: Lalthansanga Ralte, H Lalthakima, Zoherliani
Hmar tlang romei zing riai karah,
Suihlung leng reng rengin, Bawihte;
Awmhar tinkim dawnin tlai ni,
Aw, ka leng leh thin.
Nghilh ni i awm dawn lo,
Tah zai kan rel leh thin, Bawihte;
Zantiang siar eng ruai hnuaiah,
Val ka tlei thei lo.
Kei zawng suihlungleng reng reng a,
Thlafam dairial chang tur, Bawihte;
Min phuar nunhlui fam ngaih di zun,
Khawtlang lunglen nen.
Lenkawl a hnim, tlang tin a ngui,
Ka chung lenchawm zai ri, Bawihte;
Kei pawh kan hnim kan run hliapah,
Tah hluan zai sain.
Min dawn pui r'u, ngur zawng zawng hian,
Chhuihthangvala lunglen hi, Bawihte;
Hnem thiam ngurin tleitir banah,
An va uai lo maw?
Min phuar vel, i zun leng zamin,
Tuan zai reng ka rel thei lo, Bawihte;
Sawi nin theih loh, sawi thiam loh te,
Tuar i har em mai.
11 Jul 2022
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: