Zinkawng

Phuahtu: Peka Fanai
Satu: Rebecca Lallawmsangi

Vangkhaw lam panin kan tlan mek e,
Chung Pathianin min veng se;
Aw, ka nghakhlel mahni run ngeia zal del del,
Country road ngaithlain kan phar del del.

Lirthei a kiau ruai e lampuiah,
Drun...drun...drun..
Engtik nge ni ang kan vangkhua ka thlen hun tur,
Zaitin ka vawrpui ka lenrualte u,
In tan hei ka lo haw, lo in hrilh pung r'u.

Kan lo tlan e, kan lo tlan,
Kan lo haw e, kan lo haw;
He khawvel ram zauah kan run tluk tur reng a awm bik lo,
Kan lo tlan e, kan lo tlan,
Kan lo haw e, kan lo haw,
He khawvel ram zauah kan run tluk tur reng a awm bik lo.

Tukverhah dakin ka hawi vel a,
Van dumpawl riai eng cham duaiah;
Chhemdam thlifim a lo thaw a nuam ngei e,
Mual za tam pelin ruamtin kan hrut vel,
Kawng sirah chuan a lo awm 'nghah loh dawr',
Thlai man ziakin dawrte an lo dawr,
Zinkawng ti nuamtu thingpui dawrah kan lo chawl,
Tlaikhua a lo ngui dawn e,
Hmatiang kan rawn sawn.

A zau ngei e maw, khuavel ram chu,
Mahse, a awm si lo kan run chhing zo tu;
Buk thlam chul hnu ang tawh mahse,
Thlamuanna, hahchawlhna kan hmu kan runah ngei.