8 Aug 2022

Awmhar tahlai

Phuahtu: Lianthangpuia
Satu: Lianthangpuia

Suihlunglenin mahte'n ka dawn vel a,
Kumtlunga nang ka then tur che;
Ka dawn sei ngam lo, aw, ka tahkhua sei tur,
Min dawnpui ve hian maw ka ring si lo kei zawng.

Awmhar tahlai puan ang ka bang thei lo,
Lengdang vanga sam ang inthen mai zawng;
Chantawkah lung reng hi a awi thei mawlh lo ve.


Leng tin hlim tea an lenlai hian e,
Mahriakte'n tah zai relin maw;
Ka dawn vel thin a, aw, ka hmangaihna,
Rial anga ral thei hian ka ring si lo kei zawng.

Ka dawn sei ngam lo tahkhua a sei tur leh,
Nang ngaih kumtluang a sei tur hi;
Riang tur rengin maw dar ang ka tawn che,
Min dawnpui ve hian maw, ka ring si lo kei zawng.

Ngai chung zel hian e then mai i tul si a,
Mangtha mai le, Di Bawihte;
Tawn leh ni te a her ngai a nih chuan,
Then loh nan biahthu di min hlan ve tawh rawh aw.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: