14 Aug 2022

High School dilna hla

Phuahtu: Lianmana (Sialsuk)

Aw, kan hnam lungmawl thim lai a kiang thei lo,
Kan zir, kan seilen, kan hriatzau hma chuan;
Kan khawzawlah mithiam an leng lo,
Chhawn har kan ti che, aw, Lal ler lur.

Kaisang zel ila kawr vai Reng angin,
Kan ram alo mawi ang;
Mahse, High School lo chuanin,
San har kan ti lengrualin
.

Buaina tin reng leh harsatna tam mah se,
DPI hnuaia awm te school zawng zawng;
A chawisang thei, aw, a chawisang zel ang,
Aw, ka beisei reng a bo lo vang.

Hmanah leh tunah leh nakin lamah pawh,
Kan ram hmasawn nan school sang zawk kan ngen;
Aw, engtikah nge kan chan ve ang?
Kan nghakhlel em e, lal lungawi kum.

(He hla hi kum 1939-ah khan Assam (chutih lai chuan Mizoram hi Assam district pakhat a ni) sawrkara Director of Public Instruction (DPI)/Assam Governor chuan Lushai hills a tlawh a, Sialsuk khuain ropui takin an lo hmuak a. Sialsuk pa Pu Lianmana chuan hla phuahin High School din tura dilna a lo siam a, he a hla phuah hi  thiam takin Sialsuk nula leh tlangval te chuan an sa a, a bula awm tawng thiamte chuan Saptawngin an han letling a, DPI/Governor pawh a lawm hle a niang "Ka awmna hmun ka thlen hunah ka rawn ngaihtuah ngei ang che u," tiin thu lawmawm tak a hnuchhiah ngal a ni.)

Government Sialsuk High School, Sialsuk

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: