28 Aug 2022

I hun i hmang tha em?

Phuahtu: Rokunga
Satu: Tahan Group - A, GUMC Thalai, Central YMA Zaipawl


Aw, hun leh kum te chu,
Nitin an ral zel a,
Mi hausa leh mi ropuite,
Sang tam tak an liam a,
Kan hlimni leh lawmlaini pawh,
Mual an liam ta, kir an rel lo.

Kan pan lai hun te leh,
Kan vanglaini te kha,
Dawn kirin lunglen a zual em;
Thinlai kawl ang a hnim,
Ngai mah ila, au mah ila,
Mual an liam ta, kir an rel lo.

Khawvel sum zawngte pawh,
Rial ang an ral thei e;
Khawvel pum pawh nei mah ila,
Lung a awi chuang lo'ng e,
Hunte'n an liampui leh ang a,
Ar ang vaihna khua sei thlawn.

Hei erawh min chhang teh,
"I hun i hmang tha em?"
Thil tha tiin sualna do la,
Nunna kawng dik zawh la,
Tin, chatuan lawmna i nei ang,
Hun danglam tawh lohnaah chuan.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: