Ka duh che

Phuahtu: Siamsiami Chawngthu
Tluk siamtu: Lalnunzawma Jongte (Jt. Production)
Satu: Mazuali K

Bawihte, ka hmangaihna che hi ti hian ka hlan nang che,
I tawngkam khat mai pawh hi ka tan chuanin;
Khawizu ai pawn a thlum vawng vawng,
Vanian rah iangin i mawi asin,
Nausen iangin ka tang han bei la, duhaisam a kim ngei ang,
Ka biangah fawpin min hrilh la, ka hmangaih che,
Lawma vangin vawi eng zat nge ka lam ang, aw, ka Romeo.

Lengdang tan ka phal lo che,
Chawnbana hrualhruai ianga pawm tlakin;
Lengdang thik tham khawpa min duatin,
Lenlaini i chen dun zel ang aw,
Ih maw, Bawihte, ka duh che, zaleng zawng zingah.

Ka dawn lungruk ti buai vektu i ni asin, Di Bawihte,
Tudang ngai lo vin sirsawn dunin,
Tawnmangah pawh chawnban vuanin,
Nang nen Bawihte, i leng ang aw.

Nang ngaia lunglen, Bawihte, ka zuam lo,
Zantin lo leng...kan runah aw,
Nang ngaih vanga lunglena mittui tlak i phal lo ti'raw,
Hmangaihtu thinlai na tur hi dawn ve la maw,
Zantin, nitinin biakin ning mai lo la,
Ka duatte, hmeltha leh piannalh an tam tawh sia,
Ka duh belh lo thaleng dang i tan chauh ka rinawm tawh ti la,
Lo hlauthawng duh suh, kei chu i tan ka rinawm dawn,
Innghak zel ang aw, bawihte, i tan a ninawm dawn,
Kan inhmangaihna kawng hi runlui iangin sei mahse,
Runhmuna kan len theih nan a sei chauh kha tawi rawh se.