6 Aug 2022

Ka kiangah (I her dun ang)

Phuahtu: P.S Chawngthu
Satu: Liandailova Chhangte, Lalnunsanga (T-Melody), Sangkimi Khiangte, Feli Fanai, Pachhunga, Hruaia & Zualbawihi


I sakhmel rawn hawi la maw, nui hiauin lungrun,
Lungchim te'n ka tangah nang ngei pawm ve ila;
Awm khawhar lunglen leh nau ang tah ni zawngte,
Nghilh zel nang e i kiangah chuan.

Eng dang ka ngai lo'ng e ka sirah nang bei la,
Rimawi tingtang rem leh biahthu di zai vawr nen;
Chhuatpui rem mam laiah tluang te'n sirsawn dunin,
Lungrual te'n maw, i her dun ang.


Zan khua reng a sei lo'ng ka kiangah nang bei la,
A thianga herdun chuan tlai khua var mah na maw;
Chawn ban hrui ang vuana duh te'n buan ang pawmin,
Laichhuat rem mam i fang dun ang.

Theih chang se kumtluangin ka kiangah nang awm/awm ve la,
Nang ngaia tah ni leh awmkhawhar suihlunglen;
A kiang ang nunhlui zawng tawnmangah chang zo se,
Hun thar lawmin i leng dun ang.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: