25 Aug 2022

Ka sawi fiah thiam lo

Phuahtu: Rpa Ralte
Satu: Rpa Ralte


A chang chuanin engtin nge nang ang hi,
Ka kiangah hian i awm le?
Ti reng reng hian zingtianah mak ka ti,
I sakhmel leh kimtlang hian.

Sik ni eng mawiin dai fim a chhun leh,
Pangpar mawi rimtui ang hian;
Rimawi tingtangin thinlung a kuai ang hian,
I mawina hi ka sawi fiah thiam lo.

I sakhmel mawi ai pawh hian e,
I nun ze mawi hianin min hneh;
Hringnun vawi sang tam hmang nawn dawn ila,
Ka thlang nawn fo nang che.

"Hmangaihna eng chen nge?" tiin min zawt maw,
Ti hian ka chhang mai nang che;
Chatuan daihin he hla hi phuah thiam mah ila,
Ka hmangaihna ka sawi fiah seng lo'ng,
I mawina hi ka sawi fiah thiam lo.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: