Phuahtu: F Rokima
Satu: F Zothanpuii, Zomuanpuii, C.R Laldingliani, R Lallawmsanga, H Lalchawimawii, H. Vanlalngura, Lalenkawli Pautu, Sangtei Khuptong
Lam ang ka lo let leh ta e,
Kha chen sam ang then hnuin;
Hei hi maw kan chhim khaw Zopui?
Tuk loh ram ngaw ang dai e,
Rual duhte'n hraileng an awi e,
Tlaikhua pawh a ngui zo ta;
Chul hnu nunhlui han dawn changin,
Rualduh ngai ka lo tap e.
Duhthu ai ang ka sam thina,
Mualza kara lenlaiin;
Hei hi maw kan run in ngei kha?
Chhungkim dar ang kan lenna,
Tuan rel lo va tual chaina,
Awmhar run a chang zo ta,
Lungduhte'n fam rolungmualah,
Min ngai lo te'n an liam ta.
Aw, Van Lal pian hun champhate,
A lo herchhuak leh thina;
Zalengin hrang lu ang lawma,
Lengdang reng an ngai si lo,
Hmanah chuan lenrual duhte nen,
Tlaikhua pawh ka var thina,
Tunah erawh ruala lengte'n,
Run an rem ta hraiduh nen.
Huiva lenthiamah chang ila,
Hlimlai ni ka tawng mahna;
Perhkhuang, tingtang ri mai pawh hian,
Suihlung a ti leng em mai,
Aw! khaw'nge maw in awm tak le?
Zai vawra suihlung rual pui,
Nang zawng nunhlui mual liam ta la,
Damtakin, aw, mangtha le.
(He hla kan rawn chhawpchhuah hi a phuahtu Pu F Rokima fanu Pi F Zothanpuii sak angin kan rawn dah a, a phuahtu fanu meuhin a sak dan hi a dik ber turah kan ngai.)
0 comments: