Phuahtu: Helen Zaithankungi Sailo
Satu: Helen Zaithankungi Sailo
Mahriaka lunglen tawrh laiin,
Tinkim ka dawn thina Bawihte;
Hmangaih thu di kan sawi lai kha,
I ngai ve hian ka ring thin e.
Kei zawng riang reng reng tura,
Thlafam chang tur Bawihte;
Nunhlui ngaia tah mai loh zawng,
A riang chantawk a vuang lua e.
Chhun khawhar ni sensa hnuaiah,
A zual leh si thin nang ngaih hi;
A rem si lo khua hmuna len,
Kei ka thinlai reng a na e.
Chhawthlapui a lo eng leh ang a,
Engtin nge lunglen ka tuar ang?
Min hnem thiam reng an awm si lo,
Ka di Valmawi nang chauh lo chu.
28 Aug 2022
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: