Runlum nuthai

Phuahtu: Lianthangpuia

A rel thiam e Khuanuleng hian,
Sakhmel tha si, sakhming mawi si;
Leitlanglanu leng zawng zawng paw'n,
An iang zo lo, siar Chawnmawi iangi.

A pawi mang e a tlai zo ta,
I hmangaihna dil tur che hian;
Tunah hraileng kara lengin,
Runlum nuthai ka lo chang ta.

Aw, khawia'n nge i lo awm le?
Hmana kan vanglai nite khan;
Enga'n dar ang ka tawn loh che,
A tlai lua e, i sakhmel dar ang ka tawn.

I sakhmel mawi ka lo tawng a,
Thinlai ruka'n i lo cham a;
Eng dang, leng dang ka dawn thei lo,
Leng tin khumtu sakhming mawi hluan B.K.