Thal favang turnipui

Phuahtu: Laltanpuia (Sialsuk)

Thal favang turnipui kawl a eng ruai mai,
Thinlai damte'n rualduh tualah an leng e;
Tuar rual loh vanpui ka tan a chim,
Ka dam chhan ka luah zo lo ka tanglai vuantu thasensiari.

Aw, ka dawn sei ngam lo,
Tah nan maw ka lo tawn che annemte;
Chhun khawhar leh tlaita eng ruai leh,
Chhawrthla zan kal siar eng ruai hnuaiah hian ka ngai zual che.

Hmangaih 'K' em chim loh te, ka ngai em che,
Nghilh lo par zun chhawl min ban ka tanglaiah;
Thlangkhuamdimin mual chu liam lo la,
Senhripar iang ka tan vul i rel lo'ng maw 'L' ka lung dam nan.

Duhthu aiang samin chan ka nuam ngei e,
Tlang za awmhar lungkuai lelte nun iangin;
Tlang liai luaiah tuanna mual ralah,
Au ila hmangaih L.Hniangi lawm, 'K' enchim loh lung her nan.

Ngai lo ang hian suihlung her ka zuam lul lo,
Phu loh leng nghah khua tlai tur ka dawn changin;
Awmhar nau ang tah a tul leh thin,
Hmangaih zunleng hi rairah ka tan hmelma ber a lo ni e.