Phuahtu: T Romama
Zonun parmawi vullai tizualtu,
Zaimi lungrual kan ngir ram mawiin;
Khuanu leng malsawm kan dawng zel e,
Thlangsap miril nun kan ngai nem maw.
Sang leh zualin thang zel ila,
Thlang sap leh kawrvai leng te'n hria se;
Pheikhai rual tea zai tin vawrin,
Zaimi lungrualte leng za ila.
Tlang tin mual tin hrut vel ilangin,
Zai rimawi kan ram mawi khat se;
Lanu, valrual leh hrang hlui zawng pawh,
Lo tho ulangin zai vawr za ang.
Kan vannei em Zofa leng zawng,
Kan rimawi nen Zoram kan awi e;
Siamtu ropui fak bang si lo hian,
Zaimi zalengte zai zel ang aw.
6 Aug 2022
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: