I SMS zunzam

Phuahtu: Mangheta Chinzah
Satu: Mangheta Chinzah

Zingtian bawhar zai tin thiam a lo pau a,
Ka ritleng darzama SMS awm chuan;
"Hi, good morning, ka hmangaih che," tiin,
Annem biahthu di damte'n min lo hlan a,
Keipawn hmangaihn bianthu chhan let zai relin,
"Morning, bawihduat, ka hmangaih che," tiin,
SMS palai bawng ve e.

Thinlai tihlimtu, i SMS biahthu di vang hian,
Thinlai zochhum ang zing a kiang ri riai e;
Duhluat vang che hian maw sakhmel intawng lo mah ila,
I SMS zunzam hian suangtuah lai thin a thawng leh thin e.

Van rang chhum pawh khi van zawlah leng diai diain,
Chhemdam thlifim pawh muangte'n a leng leh ta;
SMS hmanga kan kar biahthu ti par vul chi chiaiin,
"Ka duh che," tiin ngaih ban zan kan rel thei mawlh lo,
Ni chhun tumtawi nana SMS inhlan zawng maw,
Mawi hluan e, lungdi parfung chawi nan..
Hmm...hmm... SMS suihlungdumtu.

Tlaini lenkawl paw'n thlang lenkawl a herliam a,
Zan lalnu pawh thlazarin a leng leh ta;
"Ka ngai che, ka hmangaih," tia SMS chhawn chung zelin,
"Mangtha, muttui," tih mai a tul leh ta si maw,
"Mangtha aw, ka hmangaih che," tia biahthu min hlanin,
"Mangtha, bawihduat, ka hmangaih che," tiin,
Hm..hm..SMS palai bawng ve e.