Phuahtu: CZ Thanliana
Satu: TC Tetea
Ka Pa, harhfimin ngaihtuah chiang teh,
Chhungkua pa ber i ni a;
Mite'n an sawi zu ngawl vei,
I chang mai hi, aw, a pawi a ni.
Ka Pa, hetiang renga zu i in chuan,
I nunna paw'n a tlin rei dawn lo va;
Zu vang hian fam chang ta la,
Kan vahvaihna khua a sei dawn em asin,
I fate hi min lainat ve lo'm ni?
Aw ka Pa, zu hi sim ve tawh teh.
Ka Pa, thenawmte hi han thlir teh,
An inhau ve ngai ve lo va;
An chhungkaw hlim zia te hi,
I hai bik hian, aw, ka ring si lo.
Ka Pa, keini ve chu ngaihtuah la,
Zu i inthin avangin;
Hlimni reng kan neih loh hi.
Nangmah vang hian, aw, kan tap si thin.
I thawhchhuah leh sum lakluh zawng pawh,
Chhungkua ei tur awm lo vin;
Zu in nan i hmang thin a,
Neih reng kan neih zawh ve tak loh hi.
Zu hi sim hram rawh aw.
3 Sept 2022
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: