Krismas ni ropui

Phuahtu: Lalzova
Satu: Roliana Ralte, H Lalthakima

Krismas ni ropui ber chu a lo thleng ta,
I lawm ang u remna Lal lo pian ni;
Lal zawng zawng aia lal ber Isua Krista,
A fakna rimawi tingtang zai rem ang.

Haleluia! Haleluia!
Remna Lal thianghlim chu a lo piang ta e,
Haleluia! Haleluia!,
Remna Lal thianghlim chu a lo piang ta e.

A pianna bawng in laikhum ranthleng chungah,
Nemte'n a chun Mari'n a chawilian a;
Khawvel suala bo tawh hnu rawn chhandamtu,
Pa Pathianin a rawn tirh a ni si.

Kum sang ral tawha thu nung reng ringtute,
A lo pian ni lawmin i zai ang u,
A hmangaihna dai lo chhandamna ropui,
Kumkhuain a fakna a dai tawh lo'ng.