18 Sept 2022

Lo zawh hla

Phuahtu: JH Lalramnunmawia
Satu: R Laithangpuii


Kan tuanna sawmfang hmun a cham dur, aw, a cham dur,
Vang khaw run lawi rairah thinlai min hnemtu;
Awi maw, virthliin, virthliin a chhem kur siau siau e.
Awi maw, virthliin, virthliin, virthliin,
Vang khaw run lawi rairah thinlai min hnemtu,
Awi maw, virthliin, virthliin a chhem kur siau siau e.

Chin lai lenrualte nen lo kan zo, lo kan zo,
Sirtiang kan sawn kawltu chawiin sul kan tum;
Awi maw, hmatiang hlen, hmatiang hlen nau ang kan nui hiau e,
Awi maw, hmatiang hlen, hmatiang hlen, hmatiang hlen,
Sirtiang kan sawn kawltu chawiin sul kan tum;
Awi maw, hmatiang hlen, hmatiang hlen nau ang kan nui hiau e.

Kan thlawh sawmfang hmun changchi vawrna, changchi vawrna,
Buk thlam tlaitlan mualah zaleng kan ngir za;
Awi maw, sirva iang, sirva iang hlimte'n kan chiar nghian e,
Awi maw, sirva iang, sirva iang, sirva iang,
Buk thlam tlaitlan mualah zaleng kan ngir za;
Awi maw, sirva iang, sirva iang hlimte'n kan chiar nghian e.

Perhkhuang lamthaiin zai kan vawr, zai kan vawr,
Chawchhun fang kan fak, maian bai sa kan hmeh;
Awi maw, kan tlai puar, kan tlai puar sul ang kan zui hawng e,
Awi maw, kan tlai puar, kan tlai puar, kan tlai puar,
Chawchhun fang kan fak, maian bai sa kan hmeh;
Awi maw, kan tlai puar, kan tlai puar sul ang kan zui hawng e.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: