21 Sept 2022

Phu loh zun ngai

Phuahtu: Lianthangpuia
Satu: David Vanlalringliana

Thinlaia'n nghilh ni i awm thei dawn ne'maw,
Kan lenna tlang chu dang rih mahse bawihte;
Suihlung min hnemtu i tel lo chuan e awmhar suihlunglen,
Mahte'n ka tuar zo hian kei zawng ka ring lo.

Mahse, tinkim ka han dawn chang hian e, thinlairuka'n maw,
Lawm a kim thei lo kumtluangin aw nang nen;
Lendun ve hi a rem si lo maw phuloh di nang tawn chu,
Vanduai ka tahkhua tisei maw lo ni che.

Sakhmel tawn loh zun ngaih anem ngai ang maw,
Tunah kan lenna tlang a lo dang ta e;
Mahse, i sakhmel dar ang tawn loh chuan e, enchim loh di,
Mahte'n vaiin suihlunglen ka chhiar leh thin.

Damte'n chung Khuannu leng zarah tawn leh ni,
A lo la herchhuak ngei anga lenkawla'n;
Mahse, kei zawng ka nuam ne'maw i sakhmel dar ang tawn chu,
Phu loh zun leng ngai ka chan min dawn si lo.

Tinkim ka dawn thin mahte'n awmhar ni hian,
Ka tan par mawi ber khuavel timawitu kha;
Lengdang tawnah i vul leh mai tur ka han dawn chang hian e,
Thinlaina hian fam ka chang hial mai awm e.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: