Kawnkhaw Ph.D

Phuahtu: Rosangliana (Zorock)
Satu: Rosangliana (Zorock)

Ka pian leh murna Kawnkhua ka ngai mang e,
Sela kut ngeia Lawr ka zirna;
Chhungkimtea kan lawina run nuam kha,
Rualduhte nen kan zalna chhuatpuimam,
Sikul banah sava kan veh, ngawi kan dawh,
Kan hlim thin he..he..he..
Ka nui thin..ha..ha..ha..
Thingkhawn chhungah sazu kan veh, hambur nen,
Dawn changin, aw, ka ngai vawng vawng.

Hlim takin min lawmpui khua leh tuite'n,
Kawnkhaw Ph.D ka lo ni ve ta;
Chhungtin in hlim hmel a mawi ngei e, dam reng rawh u,
Tuipuiral kan thlen leh thleng pawhin,
Nghilh ni reng in awm thei dawn lo.

Kawnkhua mizia ka chhuang,
Taima tak khua kan nia sin;
Hmatiang kan sawn biak in a mawi, run in nen,
Lung kan rual khawtlang a nuam e,
Keipaw'n Ngopa-a ka zirlaite khan e,
Chhungte'n faisain min chawm thin,
Rangoon, Pune-a ka zirlaite khan,
Lehkhabu zuarin ka inchawm thin.

Kan tum, kan tih apiang  kan lo hlawhtlinte hian,
Lalpaa lawmna chang hria apiang an vannei ang;
Lalpa ram zauh nan kan thiam, kan thilneihte,
Ui lovin i hmang zel ang,
Lalpa ram zauh nan kan thiam, kan thil zawngte,
Ui lovin i hmang zel ang.

Chhel takin i tang ang u, khua leh tuite u,
Kawnkhaw Ph.D chherchhuak zel ila,
Chhungtin in hlim hmel a mawi ngei e, dam reng rawh u,
Tuipuiral kan thlen leh thleng pawhin,
Nghilh ni reng in awm thei dawn lo,
Tuipuiral kan thlen leh thleng pawhin,
Nghilh ni reng in awm thei dawn lo.