Nuthai ka chang tawh e

Phuahtu: Dokamlova {DKA (L)}
Satu: Zosangliani, Mimi Remruatsangi, Agnes VL Ralte

Khuanu samsuih rem loh zawng hrilh tihai sei thlawna'n maw,
Thaikawi biahthu tinkim min hlan mah la e;
Chang dang kan zai rel thei ka chang tawh si lo,
Phengphelenga khua a tlai zo ta.

Khuamdimin kei zawng fanau maltluan chawiin,
Duhlai tang belin runlum nuthai ka chang tawh e;
Nang nen kan intawn ni reng a tlai lua,
Khuanu rel em lo ni ngai le?
Lengdang chhaina'n i tlai ang e, min ngaithiam ang che.

Mahse maw, a rem si lo, khua a tlai zo ta aw,
Chantawk Khuanu rel lo ni, tumah indem lo'ng aw;
Vanduai ka tah khua sei nan maw khua kan tlai,
Khuanu samsuih loh kan lo niang e.

Uai lo te'n vul zel se, aw, suihlungdumtu i sakhmelmawi,
Thaikawi biahthudi hlan reng a sawt tawh ne'maw;
A pawi em e, ka tan a rem tawh si lo,
Kumtluang tan, aw, mangtha mai le.