Sulhnu

Phuahtu: Ngura & Matric
SatuL Ngura

Mahriaka run nghah chang hian,
Ka dawnkir thin a kan nunhlui;
Duh di ka tawn, ka tawng sual em ni?
A riang ka chan reng hi a na,
Tunah suihlung herin,
Zamual lam pawh liam tawh mahse,
Thinlai ruka'n a thar leh thin e,
Mahte'n ka dawn changin.

Sulhnu ka chhuikira,
Di nang nena kan hlimlai;
Chhawrthla a eng riai e,
uihlunglen ti zual tur renga'n,
Tunah i lungher chhan,
Ka dawn kim lo, ka thiam lo, bawihte,
Mahse, lam ang i let ka beisei lo,
Ka phu lo che.

Chung khuangruah sur te hian e,
Lunghlui mu hnu hril thar lehin;
Nang nena kan hlimlai te,
Chhingmitthlaa'n an lo kir a,
Zan chhing lo te'n ka dawn thin,
A riang sira'n min hnawl zan kha,
Thinlai a na ka dawnin, bawihte,
Luaithli ka dang zo nem le.

Ka tangah beia biahthu nemte'n min hlan kha,
Ka dawnkir thin a, thamral tur chuan,
Ka phal lo bawihte,
Suihlung herin lo kir leh la,
Duhthu ka sam sual e,
Nghilh zai reng ka rel thei lo che.