by Phuahtu: Ngurthangvela
Satu: Ngurthangvela
Zoram sawrkarna chelhtu, hruaitu apiang te'n,
Mipui bumin sum sem an intiam;
Thatchhiat, zawmthawtna salah mipui min tan tir,
An thutiamah an awm leh si lo.
Thatchhia an siam tam, sum leh pai dawn beiseiin,
Mipuite pawh inenfiah kan ngai;
Thawkpeih lo, a thlawna sum hmuh tum an tam si,
Ka thinlung a piangsual zo ta e.
Zoram mipuite u, fin a hun, i harh thuai ang,
Kan ram kalsual tawh tungding turin;
Ram hmangaihtu mi dik kan ngai e,
Pathian thu awih ring mi kan duh e.
Ram kalsiam her danglam tirtu, ram hmangaihtu,
Sum leh pai rinawm, eiru ve lo;
Belhchian dawl ram hmangaihtu, hmangchang hria kan ngai,
Zoram hian a mamawh tak zet ta.
Zoramin chhantu ngaiin a au ruai ruai che,
Kawng dik lo zawhin min liampui dawn;
Ram hmangaihtu dik tak te u, lo chhuak thuai r'u,
Mi rethei kan ral zawh hma ngei hian.
Zoram mipuite u, fin a hun, i harh thuai ang,
Kan ram kalsual tawh tungding turin;
Ram hmangaihtu mi dik kan ngai e,
Pathian thu awih ring mi kan duh e.
Ram kalsiam her danglam tirtu, ram hmangaihtu,
Sum leh pai rinawm, eiru ve lo;
Belhchian dawl ram hmangaihtu, hmangchang hria kan ngai,
Zoram hian a mamawh tak zet ta.
Thang leh tharte u, harhin lo zuangchhuak thuai r'u,
Zoramin chhantu ngaiin a au che;
Ram hmasawnna daltu apiang sirah hnawlin,
Zoram hmasawnna kawl eng thuai rawh.
Zoram mipuite u, fin a hun, i harh thuai ang,
Kan ram kalsual tawh tungding turin;
Ram hmangaihtu mi dik kan ngai e,
Pathian thu awih ring mi kan duh e.
Ram kalsiam her danglam tirtu, ram hmangaihtu,
Sum leh pai rinawm, eiru ngai lo;
Belhchian dawl ram hmangaihtu, hmangchang hria kan ngai,
Zoram hian a mamawh tak zet ta,
Zoram hian a mamawh tak zet ta.
0 comments: