Phuahtu: Peka Fanai & Lil Kiki
Satu: Rebecca Lallawmsangi & Lil Kiki
Chhai ang, chhai ang, aw, i chhai zel ang,
Mi ta nitura a liam hma sawn;
Hmangaihna nen, hawh, i veh zel ang,
A beidawn hma chuan i tawp san lo'ng,
Chhai ang, chhai ang, aw, i chhai zel ang,
Mi ta nitura a liam hma sawn;
Hmangaihna nen, hawh, i veh zel ang,
A beidawn hma chuan i tawp san lo'ng.
Kum nga lai a lo liam reng mai,
Nang nen kan bultanna,
Bultanna tih lemah i zuna ka uaitanna,
A rei tawh i ti ve lo em ni?
Engtia rei nge ka la nghah dawn che tih,
Ka tan i piang lo nge?
I tan ka piang lo zawk le?
Hriatthiam a har ngei.
I thinlung a kehsawm hma khan,
Ka lo hum ang lo hnai la;
Duatte'n ka lo pawm ang,
I duhthusam ang ngei khan,
Ka tan Khuanu ruat i ni tih hi,
Engtin nge i la rinhlelh theih zawk tih,
Thian nih reng zawng duhthusam ram a tling zo love,
Hriatthiam tum ve la...
RAP:
Nia, chiang lo riau hian mang lamah a hmel ka hmuh,
Mang pawh nise, bawihte, min kalsan tum suh,
Zeldin titi i thatna sawi hi ka duh,
Fuh tih sawi nana nang bak baka fuh,
Oh! Fuh tih piah lam daih, chhungril a fan raih,
A tha tawk, ka fak thlawt,
Dam reng si khan that lam a pan,
That lam a pana lairil fan,
Lairil fana mi duh thu ka mang phan.
I mawina an thlira, a bik khan an chika,
La dang khan an thika, sel lo khan a khing a,
Ka duh lutuk pa anih kha, ka duh ber a ni a,
A sulhnu chhui paw'n a fel thu hlir a sawi nawn anih kha.
18 Nov 2022
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: