Lei leh van lal ber chu

Phuahtu: Zorammuana
Satu: Lalthansangi

Bethlehem daiah Lal ropui chham ang a zal e,
Heroda'n a hriatin that tumin phiar zai a rel a;
Mahse, lei lalte dan rual loh chu a lo piang,
Khawvel damna leh lei leh van lal ber chu,
Lusun authawmin a lo pianni chuan a lo hmuak e.

A chun riang chawiin hringmi zinkawng chu a rawn thlang,
Tapin bul a tan ve anchhedawng ram zia a lantir;
Tisa hmuh theiha inngaitlawmin a thil siam mihring zingah,
Lei leh van lal ber chu a lo piang sual thim,
Khawvel en turin Pathian ngei chu.

Khawvel thim en tur Pathian chu,
Hrehawm tinrengin a hmuak e;
I lo lawm ang Remna Lal chu,
Thinlung robawm te hawngin,
Lei lalten do mahse Remna Lal chu,
Chawimawi ang aw, zaitin vawrin fak r'u,
Lei leh van zai se 'Amen' rem rawh se.

A hmangaih faten hmangaihtu lung kan dum em le?
He hun lawmawmah hian lawmna dan kan zam fuh em le?
Thinlung lawma a lam hawi lo hian a piancham i hmuak thin em?
Dai leh ruamtin hrutin hnutiang chhawn rela,
Thinlung tharin i hmuak ang aw.

Pathian tisaa lo chang nausan duhawm chibai bukin i lo lawm ang,
A ram lo thleng rawh se thinlung tinin lawm se;
A famkimna thuhruka awm chu leihbuakin lo awm rawh se,
Lei leh van Lal a ni...