Zofa Lelte 2022 theme song (Impumkhatna hla - Zofate)

Phuahtu: Rev. Dr. Zaichhawna Hlondo

Kumsang tam kan khualzinna ramah hian,
Tu kan nih reng hre lovin kan vakvai;
Pianna zuapa tu anih kan hre lo,
Bo chikimin kan bo a lo ni e.

Tu dang kan ni lo Josefa tu leh fate kan lo ni,
Fapa tlanbote haw hun a thleng ta e;
Lalpa fa tak roluahtute lo thu r'u,
Lal Krista Lal ram a ding mek e.

"Eng kan ti nge?" tiin kan van ruai a,
Lalpa thuthlung bawhchhiahte kan lo ni;
Hnamdangte awpbehna salah kan tang,
Lalpa thinurna vawrtawp kan tawng bua.

Pathian hnam thlan Zofate thawh a hun,
Ramtiam Zoram thar kan lut tan mek e;
Ram ropui khawvel tana eng tur te,
I tho ang u khai, i dinthar ang u.

Zofate'n hun i hai tawh lo ang aw,
Milem bia nghawngkawl bah pui a rem lo;
Kan zalenna jubilee dar a ri,
Pathian Lal ram leh hnam a ding chhuak mek.