16 Dec 2022

 Kan fak seng lo'ng

Phuahtu: V Thangzama
Satu: Electric Veng Kohhran Pavalai Pawl Male Voice


Khawi lam chun chawi lai nau nge maw,
Ran kianga zan mu chhing saw;
A hmingah Maka, Remruattu,
Chatuan pa, Remna Lal chu,
Lei leh van va fang mah ila,
Hming tinreng pawh lam ila,
Chhandamtu tak reng an awm lo,
Lal Krista chauh lo hi chu.

Engtin nge Pathian hmangaihna,
Kei misualin a hriat le;
Engtin nge chhum zinga leng a,
Kei misualin ka hmuh le?
Krista i hmangaih puangtu,
I sual thimna entu chu,
Sual ata min chhandamtu,
A thleng ta Lal Krista chu.

A va hlu em!
Van aia ranthlenga pian i thlan chu!
A va ropui em!
Kan zinga Pathian mihring i lo thlen chu!
Aw mawi zawng pawh nei mah ila,
Ka fak seng lo'ng che, Lalpa,
Thil rimawi ber pawh an tling lo,
I ropui an hril seng lo.

Aw mawi zawng pawh nei mah ila,
Ka fak seng lo'ng che, Lalpa,
Thil rimawi ber pawh an tling lo,
I ropui an hril seng lo.

Aw, ka neihchhun hi tlawm mahse,
Tunah kan fak che, Lalpa,
Ran in tlawm kan thinlung nise,
Khawngaihin lo piang ve la,
Kan nghahfak lal ber te lal ber,
Khawvel ramtina lal ber,
Hnam tin hian i lal zia hria se,
Isu, an fak seng lo'ng che,
Hnam tin hian i lal zia hria se,
Isu, an fak seng lo'ng che.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: