Phuahtu: Tetea
Satu: Tetea
Thiam zir run bel zaleng zawng zingan,
A mawi chuang e, Thalenghermawii;
Leng zawng lungkuaitu tleitir hmeltha,
Khuavang lak bang ka vuah mai nang che.
Thlasik daifim a iang e, Biangnote,
Van dum pawl riaia chhingmitmawii;
I seih nuimawi bahsam leng siau nen,
Anka mai chuan e, a hril zo lo'ng e.
Ai ang ka sam thin tuahrem thai tur,
Thutin sam leng chu nang ngei hi;
Hmangaih biahthu hrila nui hiauvin,
Amte'n chhun ni kan hmang liam leh si thin.
A pawi em mai, vangkhua a dang hi,
Nem ten chhun ni a lo herliam a;
Her pui che maw in vangkhaw nuama'n,
Laitual mawiin her li liai an che.
Zan tiang laikhum thlehnem belin aw,
Nang ngaih zan mu reng chhin a har;
Chhaktiangah lenkawlni eng thuai se,
Hal lo ten leng leh rial rial ang aw.
0 comments: