13 Dec 2022

Ngai ru Van Lal fa

Phuahtu: Lalhmingliana Sailo (Sialsuk)

Ngai r'u, Van Lal fa lo piang chuan,
Leilung hi a nghawr vel;
Leia lalte pawh an buai thin,
Van Lal lo pian meuh chuan.

Aw Bethlehem, i mawi chuang e,
Chhandamtu Isua lo pianna;
Chunglam arsi pawh mak tiin,
A zawnah a lo eng reng.


A va mak em sual tlan nan hian,
Lei mi anging a lo piang;
Kan thinlung ro bawmah hianin,
Lutin lo cheng reng rawh.

Berampu leh mifingte u,
Lal thar piang in hria maw?
Keini pawh kan hlim, kan lawm,
Kan tan damna a ni.

Lungngai, riangvai, lusunfate,
Hlimna nei tawh lo tan;
Muanna, hlimna Isua Krista,
A lo piang lawm rawh u.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: