16 Dec 2022

 Sik ni eng

Phuahtu: Lalrinpuii
Satu: HRZ (Lalhmangaihi, Lalrinpuii, Lalzawmpuii)


Kumsul lam ang lo leh lehin kan nghahhlelh ber Krismas ni chu,
Sik ni eng mawi tak chuan a rawn herchhuah pui leh ta thangvanzawlah;
Zaleng zawng ten i lawm ang u, par ang kan lawm he ni ropui hi,
Kan thleng leh hi zaia awiin i chawimawi zel ang u.
 
I hlim ang u, i lawm ang u, rimawi tinreng te nen,
Kan tana nauthar duhawm lo piang lawmin;
Lei lal te leh roreltu ten lawm lo mahse,
Keini zawngin i chawimawi ang, Lal Krista chu.


Krista, kan chatuan Lal ropui van khua leh tuia min siamtu,
Amah chu fakin van mipui te, berampu te leh mifing te;
An neih rothil te chu hlana Lal chibai an buk ang khan,
Keini pawhin kan neihchhun thinlung i hlan ve ang u.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: